Recompilamos datos sobre o teu comportamento de navegación a través de cookies propias e de terceiros, que utilizaremos para analizar a túa navegación coa finalidade de mellorar tanto as funcionalidades do sitio web como os produtos e servizos que pomos á túa disposición, para xestionar os espazos publicitarios, e para personalizarche a nosa oferta de produtos e servizos, a partir dos teus hábitos de navegación e dos contidos visualizados. Consulta toda a información sobre o uso de cookies na nosa Política de cookies.
Os virus e o spyware son programas que se instalan no ordenador, normalmente de forma oculta ao propietario, con fins maliciosos. Por exemplo, destruír arquivos, ou o disco, propagarse a outros ordenadores ou provocar un mal funcionamento do ordenador.
Para evitar as posibles infeccións de virus é conveniente:
Dispoñer dun software antivirus actualizado (debe actualizarse periodicamente, non é suficiente que sexa máis ou menos novo). Para actualizalo, deben consultarse as instrucións do fabricante do programa.
Verificar os documentos que se recibiron do exterior (vía correo electrónico, disquete, download, ...) co antivirus.
Executar só aqueles programas dos que teñamos garantía de orixe e que non vulneren a propiedade intelectual.
Tamén é moi importante saber que un antivirus pode fallar por dous motivos: pode non detectar un virus porque é diferente dos que coñece; pero tamén pode detectar como virus un programa inofensivo que, por casualidade, teña dentro do seu código secuencias parecidas ás dun virus. Este segundo caso coñécese como "falso positivo".
O correo electrónico é unha das vías máis importantes de transmisión de virus, xa que non garante a orixe do envío, o que supón algúns riscos inherentes, como que terceiros poidan acceder ao contido do correo, que se suplante o remitente ou que se envíe o virus. Para correr os mínimos riscos posibles cando o utilizamos é recomendable:
Non executar directamente os ficheiros anexos, é moito máis seguro extraelos previamente a un directorio do ordenador.
En caso de recibir correos non solicitados, é recomendable confirmar o envío co remitente ou borrar a mensaxe directamente. Non debe abrirse nunca, aínda que proceda dun remitente coñecido.
Non participar en mensaxes en cadea. Existe un número moi grande de correos que conteñen noticias falsas de virus. As casas comerciais e os centros de alerta lexítimos teñen como norma redirixir a servidores web, nos que dan información dun xeito fiable e detallan as accións que se deben realizar. Non deben reenviarse correos de forma indiscriminada.
Activar o tipo de texto no cliente de correo. (Para usuarios expertos).
Cifrar a información sensible. (Para usuarios expertos).