Calquera programa cunha intención molesta, malévola ou ilegal. Xeralmente, están deseñados para executarse sen a intervención do usuario.

Conxunto de letras, cifras e símbolos, ou mesmo frases, empregado para autenticar usuarios nun sistema informático. Para que o uso de contrasinais sexa efectivo, é preciso escollelos de xeito que sexan difíciles de descubrir para un atacante.

Son mensaxes de correo electrónico nas que se pide que a mensaxe se envíe a máis xente para que estas persoas tamén as reenvíen. É unha das posibles fontes de problemas co correo electrónico, xa que a miúdo conteñen novas falsas, poden ser portadores de virus, etc.

Disciplina que se ocupa da seguridade da transmisión e o almacenamento da información.

Tipo de código malicioso cuxa característica principal é que se copia duns sistemas a outros a través de Internet.

Ataque informático que, sen afectar á información contida nun sistema, o deixa incapacitado para prestar servizo. A denegación pode acadarse mediante a saturación ou o bloqueo das máquinas.

Técnicas que tentan ataca-la seguridade dos sistemas informáticos enganando ós seus usuarios e ós seus administradores. A maioría das técnicas de enxeñería social son parecidas ás estafas.

Os programas espía ou spyware son aplicacións maliciosas ou enganosas que se instalan de xeito oculto xunto con outros programas que descarga o usuario. Este tipo de programas poden executar varias accións:

Algúns dedícanse a recompilar información do sistema no que están instalados para enviala a través de Internet; outros amosan continuamente publicidade non desexada ou modifican as páxinas vistas para incluír enlaces que non estaban no orixinal. Todas esas accións enmascáranse con autorizacións confusas, polo que normalmente o usuario non é consciente do que sucede.

Máis información sobre Spyware

Conxunto de tecnoloxías que permiten un control da información transmitida por servizos de Internet. O filtrado de contidos úsase para bloquear virus enviados por correo electrónico, para controla-lo acceso a Internet de menores, etc.

Información que, enviada por un servidor de Internet ó navegador, volve aparecer posteriormente en cada nova conexión. Poden usarse con intencións lexítimas, como a identificación de usuarios, ou malévolas, como el o almacenamento non consentido de pautas de navegación.

Ataque informático no que o atacante consegue obter un control completo sobre a máquina. Durante unha intrusión, o atacante pode obter e alterar tódolos datos da máquina, modificar o seu funcionamento e mesmo atacar outras máquinas.

Correo comercial non desexado que se envía a través de Internet. O volume e o contido do spam pode dificultar notablemente o uso de servizos do correo electrónico.

Os ataques chamados phishing empregan mensaxes de correo enganosas e servidores fraudulentos para enganar ós usuarios de servizos de Internet. No caso das entidades financeiras, o seu obxectivo é intentar que os usuarios divulguen os seus datos, como o número da tarxeta de crédito ou as claves de acceso PIN.

Máis información sobre Phishing

Sistema informático cuxa misión é facer de intermediario entre un sistema e outro a través de Internet. Entre as misións dun proxy están acelera-lo acceso a Internet, filtra-los contidos ós que se accedeu e protexe-los sistemas evitando a súa comunicación directa.

Información dixital asociada a unha operación en particular realizada en Internet que, xunto cos certificados, permite garanti-la identidade dos participantes nunha transacción.

Sistema informático que controla as máquinas e servizos ós que se pode acceder dentro dunha rede. Pode tratarse dun sistema especializado ou un programa instalado (firewall persoal). Cando este control se realiza sobre a información transmitida e non simplemente sobre a conexión, o sistema empregado é un proxy.

Máis información sobre firewall

Código malicioso camuflado dentro doutro programa aparentemente útil e inofensivo. Os troianos poden ir incluídos dentro de programas coñecidos, de xeito que é preciso controla-la fonte da que se obtén o software.

É o tipo máis coñecido. É un programa que se copia dentro doutros programas e tenta reproducirse o maior número de veces posible. Aínda que non sempre é así, a maioría das veces o virus, ademais de copiarse, altera o destrúe a información dos sistemas nos que se executa.

Máis información sobre virus