Tarxetas bancarias

Vueling Visa é unha tarxeta coa que podes acumular Avios, é dicir, puntos de fidelización, cada vez que realizas unha compra. Estes Avios pódense trocar por descontos en voos de Vueling, o que che permite aforrar nas túas viaxes.

Ademais, a tarxeta ofrece vantaxes exclusivas como embarque prioritario, cambios de voo sen taxas e acceso a un servizo de atención ao cliente exclusivo para clientes de CaixaBank. Está emitida pola entidade CaixaBank Payments & Consumer, S.A., en colaboración con Vueling Airlines S.A. “Vueling” e Avios Group Limited “AGL”.

• A tarxeta Vueling Visa é gratuíta durante o primeiro ano. A partir do segundo ano, a tarifa anual é de 45 €.
• Se decides optar pola tarxeta Vueling UP! Visa, o primeiro ano tamén é gratuíto. A partir do segundo ano, a tarifa anual é de 90 €.

Cargaranse ambas as tarifas na liquidación da tarxeta.

Os Avios son a moeda común dos programas de fidelización de varias liñas aéreas, como Vueling; con eles poderás conseguir billetes de avión, noites de hotel ou descontos en múltiples servizos.

Durante os 3 primeiros meses desde a contratación, consigue:

• 4.500 Avios, se consomes polo menos 400 € coa túa tarxeta Vueling Visa.
• 9.000 Avios, se consomes polo menos 600 € coa túa tarxeta Vueling UP! Visa.

Recibirás os Avios na túa conta Vueling Club a partir do cuarto mes. Ten en conta que esta oferta está limitada a un bono de benvida por cliente e produto.

Podes realizar un único cambio no teu voo ata 2 horas antes da saída sen pagares a taxa de 60 €. Só terás que aboar a diferenza se o novo voo é máis caro.

Este cambio pode aplicarse tanto ao voo de ida como ao de volta e, se decides cambiar, seguirás tendo a opción de cancelar o novo voo e o importe gardarase como crédito de voo. Ten en conta que o cambio afectará a todos os pasaxeiros da mesma reserva.

Como titular da tarxeta Vueling Visa, tes acceso a un soporte exclusivo para clientes CaixaBank. Para consultar todas as túas dúbidas e realizar xestións, chama ao teléfono de atención ao cliente exclusivo proporcionado para os titulares da tarxeta Vueling Visa.

Coa tarxeta Vueling Visa, podes decidir cando e como pagar as túas compras. Podes escoller unha das seguintes opcións:

• Paga o total das túas compras ao final de cada mes.
• Divide o pagamento das túas compras nos prazos que mellor se adapten ás túas necesidades financeiras, o que che permitirá xestionar o teu orzamento de maneira máis cómoda.
• Se necesitas dispor de efectivo, podes traspasar diñeiro da túa tarxeta á túa conta bancaria en calquera momento.

A tarxeta emítea CaixaBank Payments & Consumer, E.F.C. E.P., S.A.U. (“CPC”), unha entidade de pagamento híbrida con domicilio na avenida de Manoteras, núm. 20, Edificio París (28050 Madrid). Caixabank, S.A. actúa como entidade axente da emisora da tarxeta.

CaixaBank Payments & Consumer (“CPC”) protexe os fondos dos clientes, usuarios de servizos de pagamento, depositándoos nunha conta separada aberta en Caixabank, S.A.

A concesión das tarxetas de crédito emitidas por CPC está suxeita á aprobación previa por parte desta entidade. Podes consultar os prezos habitualmente aplicados aos servizos bancarios máis comúns no anexo 1 dispoñible en www.caixabank.es/tarifas.