Como funcionan as tarxetas

En CaixaBank pomos á túa disposición unha ampla variedade de tarxetas para que elixas a que máis se axuste ás túas necesidades financeiras.

  • Como funcionan as tarxetas de crédito?

Cunha tarxeta de crédito pagarás as túas compras sen utilizar o saldo da túa conta. A túa tarxeta terá asignado un límite de crédito (importe máximo mensual que podes gastar) e ao finalizar o período de liquidación acordado (que habitualmente é mensual) deberás pagar a cantidade que utilizaches nas túas compras. Podes personalizar os prazos de devolución da túa tarxeta de crédito e devolver o que gastases semanalmente, mensualmente ou un día concreto que determines (por exemplo; cada vez que leves dispostos 500 €). Se chegada a data acordada de pagamento, aboas a totalidade do crédito que dispuxeses, non pagarás xuros.

Doutra banda, podes cambiar a modalidade de pagamento da túa tarxeta a pagamento adiado (pagar só unha cantidade do crédito disposto (utilizado) todos os meses) -máis información en Pagamento adiado (Revolving)- ou pagamento fraccionado (dividindo o pagamento dunha compra concreta en varios meses). En ambos os casos deberás pagar xuros asociados.

Podes consultar os prezos habitualmente aplicados aos servizos bancarios prestados con maior frecuencia (anexo 1) en https://www.caixabank.es/particular/general/tarifascomisiones_es.html

No seguinte vídeo explicámosche como e cando usar unha tarxeta de crédito, con modalidade fin de mes ou cambiándoa ao pagamento adiado:

  • Ademais das tarxetas de crédito tamén temos tarxetas de débito e de prepagamento. Coñécelas?

Coa tarxeta de débito pagarás as túas compras utilizando o saldo da túa conta, é por iso que é imprescindible asociar unha conta á tarxeta (a conta non terá que ser obrigatoriamente de CaixaBank). Se pensas utilizar unha tarxeta de débito para as túas compras é importante que saibas que se non tes saldo na conta non poderás realizalas xa que as compras se cargarán ao momento contra o saldo da conta. Coa tarxeta de débito poderás realizar compras (en comercios físicos e electrónicos) e retirar diñeiro en efectivo dos caixeiros.

A tarxeta prepagamento (tamén chamada tarxeta moedeiro) é similar á tarxeta de débito porque ao pagar as compras utilizas o teu diñeiro e non o que che prestamos (como cando usas unha tarxeta de crédito). Pero, a diferenza da de débito, non vai asociada a ningunha conta bancaria. É simplemente unha tarxeta en que se recarga o diñeiro (o importe que queiras) e que poderás usar ata que o saldo cargado se esgote. Poderás recargar de novo o saldo tantas veces como queiras, de xeito que sempre poderás controlar o gasto de forma exhaustiva.

Se aínda non tes claro que tarxeta necesitas, nestes dous vídeos explicámosche cada tipoloxía de tarxeta e as súas diferenzas para que te deas decidido:

Proceso de contratación

Descubre como é cada unha das tarxetas

Respondémosche ás dúbidas máis comúns

Ligazóns de interese

Podes obter máis información sobre tarxetas accedendo a estas ligazóns de interese:

Queres comprobar canto sabes de tarxetas? Realiza o noso test

1. Coa tarxeta de crédito coa modalidade de pagamento fin de mes

 

 

 

2. Pagar cunha tarxeta de crédito implica pagar xuros:

 

 

 

3. Unha tarxeta revolving é:

 

 

 

4. Podo iniciar a contratación dunha tarxeta e pensalo antes de asinar o contrato?