Nola funtzionatzen dute txartelek?

CaixaBank-en, zure eskura jartzen dugu txartelen sorta zabala, zure finantza-beharretara ondoen egokitzen dena aukeratzeko.

  • Nola funtzionatzen dute kreditu-txartelek?

Kreditu-txartel batekin, erosketak ordainduko dituzu, kontuaren saldoa erabili gabe. Txartelak esleitutako kreditu-muga bat (hilabetean gasta dezakezun gehieneko zenbatekoa) izango du. Adostutako likidazio-aldia (hilabetea, oro har) amaitzean ordaindu beharko duzu erosketetan erabilitakoa. Kreditu-txartelaren itzulketa-epeak pertsonaliza ditzakezu, eta astero, hilero edo egun zehatz batean itzuli gastatutakoa (esaterako, 500 €-raino iristean). Ordainketa egiteko adostutako data iristean erabilitako kredituaren guztizkoa ordaintzen baduzu, ez duzu ordainduko interesik.

Bestalde, txartelaren ordainketa-modalitatea alda dezakezu ordainketa geroratura; hots, erabilitako zenbatekoaren zati bat bakarrik ordaintzea hilero (informazio gehiago duzu Ordainketa geroratua (revolving) atalean), edo ordainketa zatikatura (erosketa jakin baten zenbatekoa zatikatuta hainbat hilabetetan). Bi kasuetan, lotutako interesak ordaindu beharko dituzu.

Gehien eskaintzen diren banku-zerbitzuei oro har aplikatzen zaizkien prezioak kontsulta ditzakezu (1. eranskina) hemen:

https://www.caixabank.es/particular/general/tarifascomisiones_es.html

Bideo honetan azaltzen dizugu nola eta noiz erabili kreditu-txartela, ordainketa hilabete amaieran modalitatearekin, edo ordainketa geroratua modalitatera aldatuta:

  • Kreditu-txartelez gain, zordunketa- eta aurreordainketa-txartelak ere ditugu. Ezagutzen al dituzu?

Zordunketa-txartelarekin, erosketak ordainduko dituzu kontuaren saldoa erabilita. Ondorioz, ezinbestekoa da txartelari kontu bat elkartzea (kontua ez da nahitaez CaixaBank-ekoa izan behar). Zordunketa-txartela erosketetarako erabili behar baduzu, jakin beharra duzu ezingo dituzula egin kontuan saldorik ez baduzu; izan ere, unean kargatuko dira erosketak kontuaren saldoan. Zordunketa-txartelarekin erosketak egin ditzakezu (saltoki fisiko nahiz elektronikoetan), eta kutxazainetan eskudirua atera.

Aurreordainketa-txartela (diru-zorro txartela ere deitua) zordunketa-txartelaren antzekoa da, erosketak egitean zure dirua erabiltzen duzulako eta ez guk mailegatutakoa (kreditu-txartelen moduan). Zordunketa-txartela ez bezala, ordea, ez da bankuko kontu batekin elkartzen. Txartelaren saldoa kargatu egin behar da (nahi duzun zenbatekoarekin) eta saldo hori erabil dezakezu amaitzen den arte. Saldoa nahi adina alditan karga dezakezu, zure gastua modu zehatzean kontrolatu ahal izateko.

Oraindik ez badakizu zein txartel behar duzun, bi bideo hauetan txartel mota bakoitza eta haien desberdintasunak azaltzen dizkizugu, zuk erabaki dezazun:

Kontratazio-prozesua

Txartela Hautatzea

Ezagutu nolakoa den txartel bakoitza

Galdera ohikoenei erantzuten diegu

Esteka interesgarriak

Txartelei buruzko informazio gehiago lor dezakezu esteka hauen bidez:

Txartelei buruz zenbat dakizun ikusi nahi al duzu? Egin ezazu gure proba

1. Ordainketa hilabete amaieran modalitatea duen kreditu-txartelarekin

 

 

 

2. Kreditu-txartelarekin ordaintzeak interesak dakartza:

 

 

 

3. Revolving txartel bat da:

 

 

 

4. Txartel bat kontratatzen has al naiteke eta kontratua sinatu baino lehen pentsatu?