Interneten, zibergaizkileek pagotxa diruditen produktuak erabiltzen dituzte gu erakartzeko. Zerbait onegia edo merkeegia bada, litekeena da iruzurra izatea.

Zure pasahitza da zure informazio konfidentziala eskuratzeko sarbidea. Babestu pasahitz onak erabilita, eta ez partekatu inorekin. Izan daitezela desberdinak eta sendoak, eta gorde zure pasahitzen kudeatzailean segurtasun handiagoa izateko.

Wifi publiko batean konektatzen zarenean, kontuz ibili partekatzen duzun informazioarekin. Ez idatzi inoiz zure datu pertsonalak edo finantzarioak, doako wifi sareak arriskutsuak izan daitezke eta. Horretarako, hobe mugikorreko datuak erabiltzen badituzu.

Ba al dakizu mugikorra galtzen baduzu edo lapurtzen badizute, dirua lortzeko erabil dezaketela?
Aktibatu pantaila-blokeoa eta ordainketak mugikorrarekin egiteko autentifikazioa; hartara, zailagoa izango da lapurrentzat. Mugikorra galtzen baduzu edo lapurtzen badizute, jakinarazi lehenbailehen Bezeroaren Arretarako zerbitzuan (93 887 25 25).

Norbaitek, baita senitarteko edo lagun batek ere, dirua eskatzen badizu, presaka edo ohikoa ez den moduan, telefonoz edo mezu bidez, ez fidatu. Zibergaizkileek zure ezagun baten plantak egin ditzakete zuri lapurtzeko. Bideoetan edo audioetan ere ordez dezakete beste norbaiten identitatea. Ez sinetsi ezer, eta dei iezaiozu zuk egiaztatzeko.

Urduritasuna eta presa ez dira inoiz lagun onak. Horregatik, iruzur egiteko edozein saiakeraren aurrean lasai eta zentzuz jokatu eta ez ibili inoiz arinegi. Zalantzarik baldin baduzu, egiaztatu kontaktu ofizialen bitartez.